تنگواڻي ويجهو هٿياربندن جي فائرنگ، سي ٽي ڊي اهلڪار شهيد، 2 زخمي
آگسٽ 29, 2024
تنگواڻي (رپورٽ:لطف ملڪ) تنگواڻي بي سيڪشن پوليس ٿاڻي جي حد ڪشمور- ڪنڌڪوٽ انڊس ھاءِ وي تي چمني اسٽاپ وٽ اي ايس پي عتيق الرحمان جي پوليس اسڪواڊ مٿان ھٿياربندن فائرنگ ڪري ڏني،فائرنگ ۾ 3 سي ٽي ڊي جو اھلڪار محمود لاشاري، الله داد چانڊيو ۽ شعبان ملھڻ سخت زخمي ٿي پيا، زخمين مان ھڪ ڄڻي تنگواڻي جي مدرسي محلي رھواسي سي ٽي ڊي اھلڪار محمود لاشاري شڪارپور نيئندي زخمن جي سٽ نه سھندي شھيد ٿي ويو، شھيد پوليس اھلڪار جي گھر ۾ ڪھرام مچي ويو ۽ وڏي انگ ۾ ماڻھو گڏ ٿي ويا.
