جي ڊي اي وارا پيرپاڳاري جو ڪلهو استعمال ڪري رھيا آھن: سنڌ جو اڳوڻو وڏي وزير مراد علي شاهه

جي ڊي اي وارا پيرپاڳاري جو ڪلهو استعمال ڪري عوام کي تڪليف ڏئي رهيا آهن، جي ڊي اي جي ڌرڻن سان فائدو نه پر نقصان ٿيندو، کٽيل اميدوارن کي حلف کڻڻ کان روڪڻ جي ڌمڪين کي ڏسڻ نگران حڪومت جي ذميواري آهي: سنڌ جي اڳوڻي وڏي وزير مراد علي شاهه جون ٽائيم نيوز سان ڳالهيون، مراد علي شاهه چيو ته ڄامشورو حيدرآباد موٽر وي تي لڳايل ڌرڻي ۾ جي ڊي اي جا ڪارڪن نه پر پير پاڳاري جا مريد پنهنجي مرشد جو ديدار ڪرڻ آيا آهن، سنڌ جو عوام جي ڊي اي کي رد ڪري چڪو آهي، جي ڊي اي وارن کي ڪا شڪايت هئي ته اليڪشن ڪميشن يا عدالتن ۾ ڇو نه ويا؟ ملڪ هڪ ٻي اليڪشن جي سٽ نه ٿو سهي سگهي