ڏيئي ڀرسان سم نالي کي لڳل گهاري 7 ڳوٺ ٻوڙي ڇڏيا، سوين ايڪڙ فصل به تباهه
سيپٽمبر 3, 2024
ڏيئي (ن پ ا) ڏيئي ويجهو ڳوٺ سيد محبوب شاھه وٽان 5 ڏينهن اڳ ايل بي او ڊي جي براچ کريڙي سم نالي کي لڳل گهاري ڪيترائي ڳوٺ ٻوڙي ڇڏيا، سوين ايڪڙن تي بيٺل فصل به پاڻي هيٺ اچي ويو
کريڙي سم نالي کي ايل 16 وٽان لڳل گهاري سبب ڳوٺ محبوب شاھه، سومرو خان دلواڻي، مراد دلواڻي، محمد بخش دلواڻي سميت ستن ڳوٺن ۾ گوڏي جيڏو پاڻي بيهي ويو، جڏهن ته ڀرپاسي ۾ پوکيل سارياليو، وونئڻ ۽ مرچن جو فصل پاڻي هيٺ اچي ويو
ڳوٺن مان پاڻي نيڪالي لاءِ هن وقت تائين انتظاميا ڪو به تحرڪ نه ورتو، ڳوٺاڻن محبوب دلواڻي، عاشق دلواڻي، سليم شاهه ۽ ٻين دانهيندي چيو ته هر سال سم نالو اسان کي ٻوڙي ٿو، هن وقت تائين ڪو به چونڊيل نمائندو يا انتظامي عملدار نه پهتو آهي، هنن اپيل ڪئي ته پاڻي نيڪال ڪرائي ٿيل نقصان جو ازالو ڪيو وڃي
