سوڀوديرو پوليس هوٽل تان گرفتار ڪيل همراهه کي مقابلو ڄاڻائي هاف فراءِ ڪري ڇڏيو

سوڀوديرو پوليس هوٽل تان گرفتار ڪيل همراهه کي مقابلو ڄاڻائي هاف فراءِ ڪري ڇڏيو، پوليس هوٽل تي چڙهائي ڪري ڳوٺ پيالو واسي عنايت لاڙڪ کي گرفتار ڪري پسٽل ۽ گوليون هٿ ڪرڻ جي دعويٰ ڪئي هئي، ڪجهه ڪلاڪن کانپوءِ پوليس پير حيات شاهه ٻنڊي موٽايو روڊ تي مقابلو ڄاڻائي جوابدار کي هاف فراءِ ڪري ڇڏيو، پوليس موجب ٻوڙائي سيدن ڀرسان ڪيلن جي باغ وٽ مقابلي دوران جوابدار عنايت عرف چريو لاڙڪ کي زخمي حالت ۾ گرفتار ڪيو ويو، هڪ ئي ڏينهن جوابدار جي ٻن هنڌن تان گرفتاري پوليس جي مقابلي جي پت وائکي ڪري ڇڏي، ٽائيم نيوز هاف فراءِ ڪيل جوابدار عنايت لاڙڪ جا مقابلي کان اڳ گرفتاريءَ جا فٽيج به هٿ ڪري ورتا