آئون نه چاپلوس آهيان ۽ نه ئي غلام، اسان به سافٽ ويئر اپڊيٽ ڪري سگهون ٿا: وزيراعليٰ ڪي پي علي امين گنڊاپور

پشاور (م ڊ) وزيراعليٰ ڪي پي علي امين گنڊاپور چيو آهي ته آئون نه چاپلوس آهيان ۽ نه ئي غلام، اسان به سافٽ ويئر اپڊيٽ ڪري سگهون ٿا، توهان کي جواب ڏيڻو پوندو، جواب نه ڏنو ته وڏي آواز ۾ ڳالهائيندس، پشاور ۾ بار کي خطاب ڪندي علي امين گنڊاپور چيو آهي ته اسان جو عدالتي نظام افسوسناڪ حد تائين ڪمزور آهي، اُن کي ٺيڪ ڪرڻ جي ضرورت آهي، اسان ڪنهن کان انتقام ناهي ورتو ۽ نه ئي صوبائي ادارن کي ذاتي انتقام لاءِ استعمال ڪيو آهي، هن چيو ته مون دِل ۾ جيڪو ڪجهه رکيو آهي، اُهو باني کي به ناهي ٻڌايو، آئون نٿو چاهيان ته پي ٽي آءِ باني جي دِل ۾ نفرت پيدا ٿئي، دٻاءُ وسيلي مون کي مذهب جي ٻڌايل رستي تان هٽائڻ جي ڪوشش ڪئي پئي وڃي.