ڪشمور پوليس پنجاب واسي 12 ڄڻن کي اغوا کان بچائي ورتو
آگسٽ 28, 2024
ڪشمور(رپورٽ: شريف ڄامڙو)ڪشمور پوليس اوڪاڙا واسي ھڪ ئي خاندان جي عورتن ۽ ٻارڙن سوڌو 12 گھر ڀاتين کي ڪچي جي ڏوھارين ھٿان اغوا ٿيڻ کان بچائي ورتو، ڪشمور پوليس جديد ٽيڪنالاجي جي مدد سان ٽيڪنيڪل اطلاع ملڻ تي ڪچي طرف ويندڙ رستن تي ناڪابندي ڪندي پنجاب جي اوڪاڙا واسي، پنج عورتن مسمات گل بيبي، گڊي، خورشيدان، انواري، پروين ۽ محمد عاشق، محمد ارشد، محمد شريف، شيده، نينگري آمنه، عامر علي عثمان علي سميت ٻارنھن گهر ڀاتين ڪشمور ڪچي جي ڌاڙيلن ڪچي ۾ ڪاٺيون ڪٽڻ لاءِ بھاني سان گھرائي اغوا ڪرڻ جو منصوبو جوڙيو، ڪشمور مددگار 15 پوليس ٽيم جي اھلڪارن بروقت پھچي اوڪاڙا واسي خاندان کي اغوا ٿيڻ کان بچائي ورتو.
