ڪورنگي ۾ جاچ آفيسر پاران ڪيس هلائڻ لاءِ شهري کان مبينا طور رشوت وٺڻ جي وڊيو سامهون اچي وئي
مارچ 9, 2024
ڪورنگي ۾ جاچ آفيسر پاران ڪيس هلائڻ لاءِ شهري کان مبينا طور رشوت وٺڻ جي وڊيو سامهون اچي وئي، شهري جنيد الرحمان جو چوڻ آهي ته 31 جنوري تي منهنجي گهرواري جي گاڏيءَ کي ٻي گاڏيءَ ٽڪر هنيو هو، ٽڪر هڻندڙ شهري پئسا ڀري ڏيڻ جو وعدو ڪيو هو، جوابدار بعد ۾ خرچ ڀري ڏيڻ بدران ڌمڪيون ڏيڻ شروع ڪيون، جنهن بعد اسان جوابدار خلاف ايف آءِ آر داخل ڪرائي، متاثر شهري جو چوڻ آهي ته سب انسپيڪٽر وحيد تنولي جي چوڻ تي جاچ آفيسر ڪيس هلائڻ لاءِ گهر اچي 24 هزار روپيا رشوت ورتي، مون رشوت وٺڻ واري وڊيو ريڪارڊ ڪئي، ايس ايس پي جاچ کي وڊيو ڏيکارڻ باوجود سب انسپيڪٽر ۽ جاچ آفيسر خلاف ڪا به ڪارروائي نه ٿي آهي
