ملير ايڪسپريس وي جي ري ڪليم ڪيل ايراضيءَ جي هڪ انچ تي به ڪنهن کي قبضو ڪرڻ نه ڏيندس: وڏو وزير مراد علي شاهه

ملير ايڪسپريس وي جي ري ڪليم ڪيل ايراضيءَ جي هڪ انچ تي به ڪنهن کي قبضو ڪرڻ نه ڏيندس، ملير ايڪسپريس وي ٽريڪ جي سموري زمين ري ڪليم ٿي رهي آهي، ايراضيءَ جي هڪ هڪ انچ جي حفاظت ڪرڻ بورڊ آف روينيو جي ذميواري آهي: سنڌ جي وڏي وزير مراد علي شاهه جو سنڌ ڪابينا جي اجلاس دوران اظهار، وڏي وزير روينيو بورڊ ملير ايڪسپريس وي جي سموري ايراضيءَ جي سروي ڪرائڻ جو حڪم ڏئي ڇڏيو، سنڌ ڪابينا ڪورنگي ضلعي جي ديهه ڊرگهه ۾ هڪ سئو ايڪڙ زمين تي سٽي اينجلز قائم ڪرڻ جي منظوري به ڏني، سٽي اينجلز ۾ اسپيشل ٻارن لاءِ اسڪول، بحالي مرڪز، اسپتال ۽ گرائونڊ به قائم ڪيو ويندو