تازا ترين
  • *صديق ڪلهوڙو کي سنڌ يونيورسٽي جو وي سي مقرر ڪرڻ جو نوٽيفڪيشن جاري*
  • *تعليم کاتي جي اسٽيئرنگ ڪميٽي جو اجلاس، سنڌ ۾ پهرين فيبروري کان پرائمري، مڊل ۽ سيڪنڊري ڪلاسز کولڻ تي اتفاق*شاگردن کي بنا امتحان جي پروموٽ نه ڪيو ويندو، اسٽيئرنگ ڪميٽي اتفاق ڪيو آهي ته امتحانن جي معاملي تي تڪڙ نه ڪئي ويندي: سعيد غني* ڪورس گهٽائي نٿا ڪري سگهون، ڀلي امتحان ري شيڊول ٿي وڃن، ڪوشش ڪنداسين ته تعليمي ادارن ۾ 60 سيڪرو نصاب پڙهايو وڃي*
  • *سي پيڪ اٿارٽي آرڊيننس ختم ٿيڻ باوجود آرمي چيف چيني سفير سان ڇو ملاقاتون ڪري رهيو آهي؟: اپوزيشن جو سينيٽ ۾ سوال*اطمينان جوڳو جواب نه ڏيڻ تي اپوزيشن جو ايوان مان واڪ آئوٽ، آرڊيننس ختم ٿيڻ باوجود جنرل باجوه جي مقرري ڇو ڪئي وئي؟: جاويد عباسي*

ملڪاڻي شريف ۾ عيد ڏهاڙن ۾ به لوڊشيڊنگ، شهري پريشان

ملڪاڻي شريف (ن پ ا) حيسڪو جھڏو جي عملي ملڪاڻي شريف ۽ ڀرپاسي جي پنجاهه ڳوٺن ۾ عيد ڏهاڙن دوران به بجلي جي لوڊشيڊنگ ڪري رھواسين جي عيد خراب ڪري ڇڏي. عيد جي ٽن ڏينهن ۾ ڪلاڪن جا ڪلاڪ لوڊشيڊنگ رھواسين کان عيد جون خوشيون کسي کين پرشاني ۾ مبتلا ڪري ڇڏيو، بجلي جي نه اچڻ ڪري گھرن ۽ مسجدن ۾ پاڻي جي سپلائي نه ٿي سگهي ۽ گھرن ۾ پيئڻ جو پاڻي نه ملڻ ڪري شھري ڀلاري ڏينهن به مٿي تي دلا کڻي پاڻي ڀرڻ تي مجبور رھيا ۽ مسجدن ۾ وضو جي لاءِ پاڻي نه ھجڻ ڪري نمازي پريشاني ۾ مبتلا ٿيا. جڏهن ته رات جو مڇرن جي آزار شھرين جو جيئڻ جنجال ڪري ڇڏيو. شھري ڀلاريون راتيون ھٿن ۾ پکا کڻي ھوا ھڻي جاڳي گذارڻ تي مجبور رهيا، شھرين شفيح ملڪاڻي، امان الله اشرفي، چيلارام ۽ ٻين احتجاج ڪندي چيو ته حيسڪو جھڏو عيد جو به خيال نه ڪيو. بجلي جي لوڊشيڊنگ جاري رکي آهي، جنهن سبب گھرن ۾ عورتن کي رڌپچاءُ جي وڏي تڪليف ٿي ۽ اسان ويتر پريشان رھياسين. ڀلاري ڏينهن به گھرن ۾ پيئڻ جو پاڻي نه اچڻ ڪري عيد نماز پڙهي پنهنجي ٻارن سان گڏ واٽرسپلاءِ تي پاڻي جا دلا ۽ ٿانون ڀرڻ تي مجبور رهياسين، شھرين چيو ته حيسڪو جھڏو اسان کي عذاب ۾ وجهي پاڻ عيد ڪرڻ ۾ مصروف رهيو پر اسان کي پريشان ڪري مشڪلاتن ۾ مبتلا ڪيو، لوڊشيڊنگ بند ڪرائي حيسڪو عملو خلاف ڪارروائي ڪئي وڃي.

Bookmark the permalink.