تازا ترين
  • *فيصل آباد ۾ انوکو جنازو، فوتي شخص جو مڙهه بينڊ باجا وڄائي آخري آرامگاهه نيو ويو *فوتي جي مرشد کيس هدايت ڪئي هئي ته مرڻ کانپوءِ کيس بينڊ باجن سان دفنايو وڃي: وارث**
  • *لاڙڪاڻو: ويهڙ ٿاڻي جي حد ۾ پوليس مقابلو، هڪ مبينا ڏوهاري مارجي ويو *مقابلي دوران ڏوهاري زخمي ٿيو، جنهن بعد ۾ دم ڏئي ڇڏيو: پوليس *مارجي ويل ڏوهاري وٽان ڪلاشن ڪوف ۽ گوليون هٿ: پوليس *مارجي ويل ڏوهاري جي سڃاڻپ نادر پٽ عبدالرحمان لاشاري طور ٿي: پوليس*
  • * سنڌ هاءِ ڪورٽ ۾ ملڪ اندر اٽي سميت ٻين شين جي بحران خلاف اپيل تي ٻڌڻي *عدالت ڊي جي بيورو اينڊ سپلائي کان لکت ۾ رپورٽ طلب ڪري ورتي *عدالت چيف سيڪريٽري کي 3 فيبروري تي پيش ٿيڻ جو حڪم جاري ڪري ڇڏيو*
  • *جروار ڀرسان 7 مهينا اڳ ڪنڊير شاخ مان نوجوان جو لاش هٿ اچڻ وارو مامرو *جروار پوليس پاران مقتول نبي بخش بوزدار جي وارثن جي نشاندهي تي 3 ڄڻا گرفتار *شهمير لغاري، سڌير لغاري ۽ جيوڻ لغاري کي گرفتار ڪري نامعلوم هنڌ منتقل ڪيو ويو: پوليس ذريعا *مقتول جي وارثن ڪوڙو الزام لڳايو، پوليس 3 ڄڻن کي کنڀي گم ڪري ڇڏيو آهي: نهال لغاري*
  • *ڏاهلي ڀرسان عمرڪوٽ ويندڙ تيز رفتار جيپ ٽائر راڊ ٽٽڻ سبب ڪلٽي، هڪ ڄڻو فوت، 3 زخمي /*ڇاڇرو:جيپ ڪلٽي ٿيڻ سبب جبار پٽ دودو نهڙي فوت ٿي پيو *ڇاڇرو: فوتي جو لاش ۽ زخمين کي عمرڪوٽ اسپتال منتقل ڪيو ويو*

نئون ڪوٽ ڀرسان ڏوهاري ڄاڻائي نوجوان قتل، ڌرڻو

نوجوان نصير چانڊيو جي قتل خلاف ڌرڻو، پوليس 5 کان 6 ڄڻن کي گرفتار پڻ ڪيو آهي، انصاف ڪيو وڃي:وارث

جيستائين اسان کي انصاف نه ملندو اسان جو احتجاج جاري رهندو: نصير چانڊيو جي وارثن جو چتاءُ

جهڏو/نئون ڪوٽ (نمائندن وٽان) نئون ڪوٽ ڀرسان ٻن ٿاڻن جي پوليس ڌاڙيلن جيان ڳوٺ تي چڙهائي ڪري چڱي مڙس جي پٽ کي ڏوهاري ڄاڻائي ماري ڇڏيو، مبينا فائرنگ جي ڏي وٺ ۾ سب انسپيڪٽر سميت 2 اهلڪار زخمي ٿي پيا، پوليس پاران مقتول جو لاش وارثن حوالي نه ڪرڻ خلاف احتجاج جاري آهي. ڳوٺ ستار چانڊيو تي ملير ڪينٽ ۽ نئون ڪوٽ پوليس چڙهائي ڪري مبينا طور انڌا ڌنڌ فائرنگ ڪري ڏني، جنهن جي نتيجي ۾ ننڊ ستل نصير چانڊيو گولين جو کاڄ بڻجي ويو. پوليس پاران ڌاڙيل جيان ڳوٺ تي حملو ڪرڻ کانپوءِ ڳوٺاڻا به هٿيار کڻي ٻاهر نڪري آيا ته پوليس ڳوٺاڻن تي به فائرنگ ڪري ڏني، فائرنگ جي ڏي وٺ دوران هڪ سب انسپيڪٽر سميت 2 پوليس اهلڪار زخمي ٿي پيا. مقتول جي وارثن چيو آهي ته پوليس رات جو روزو رکڻ وقت گهر ۾ داخل ٿي ننڊ ستل نصير چانڊيو تي سڌا فائر ڪري کيس بيدرديءَ سان قتل ڪيو. مقتول جي وارثن جو چوڻ آهي ته نصير چانڊيو جو لاش اسپتال کڻي ويندڙ 5 کان 6 ڄڻن کي پوليس گرفتار ڪري گم ڪري ڇڏيو آهي. مقتول جي وارثن جو چوڻ آهي ته نصير خلاف ڪٿي به ڪيس داخل ٿيل نه آهي، نوجوان کي قتل ڪندڙ اهلڪارن خلاف قتل ۽ دهشتگردي جو ڪيس داخل نه ڪيو ويو ته سخت احتجاج ڪيو ويندو. هنن سنڌ جي وڏي وزير سيد مراد علي شاهه ۽ آءِ جي سنڌ کان مطالبو ڪيو آهي ته واقعي جي شفاف جاچ ڪري کين انصاف فراهم ڪيو وڃي. هوڏانهن پوليس جي دعويٰ آهي ته مختلف ڪيسز ۾ گهربل نصير چانڊيو جي گرفتاري لاءِ ڪارروائي ڪئي ته هٿياربندن سان مقابلو ٿيو جنهن ۾ هو مارجي ويو ۽ نصير چانڊيو خلاف ڪيس به داخل هئا. جڏهن ته مبينا مقابلي ۾ زخمي ٿيل اي ايس آءِ حسيب خان ۽ ڪانسٽيبل الهرکيو کي حيدرآباد نيو ويو آهي.

Bookmark the permalink.