پنوعاقل ۾ نوجوان برقعو پائي پريميڪا سان ملڻ لاءِ پهچي ويو

پنوعاقل(رپورٽ:نديم بوزدار) پنوعاقل جي سرڪاري اسپتال ۾ عاشق مجبور عورتاڻا ڪپڙا ۽ برقعو پائي پريميڪا سان ملاقات ڪرڻ لاءِ پهچي ويو، پوليس نوجوان کي سوگهو ڪري ورتو، عورتاڻو لباس پهريل نوجوان موبائل فون تي ڳالهائي رهيو هو ته مريضن ۽ ملازمن کيس مشڪوڪ شخص سمجهي پوليس کي اطلاع ڏنو، پوليس کيس گرفتار ڪري ورتو. خبر موجب پنوعاقل جي تعلقي اسپتال ۾ برقعو پائي پريميڪا سان ملڻ لاءِ آيل نوجوان کي پوليس سوگھو ڪري ورتو. سٽي پوليس جو چوڻ آهي ته نوجوان ڪوٽ صادق شاهه واري علائقي جو رهواسي آهي. نوجوان عابد بٽ اعتراف ڪيو آهي ته هو پنهنجي پريميڪا کي منڊيءَ جو تحفو ڏيڻ لاءِ اسپتال پهتو ته ماڻهن گوڙ ڪيو ۽ هو پڪڙجي پيو. نوجوان کي عورتاڻا ڪپڙا ۽ برقعو پائي اسپتال پھتو ۽ هن پريميڪا کي منڊي پڻ پارائي پر اسپتال انتظاميا ۽ مريضن شڪ جي بنياد تي اوپرو ماڻھو سمجھي پوليس کي اطلاع ڏنو. پوليس کيس گرفتار ڪري ڏٺو ته عورتاڻي لباس اندر لڪيل عورت نه بلڪي مرد نڪتو. سٽي پوليس موجب نوجوان کي حراست ۾ ورتو آهي. معاملي جي جاچ ڪئي پئي وڃي.