تازا ترين
  • *فيصل آباد ۾ انوکو جنازو، فوتي شخص جو مڙهه بينڊ باجا وڄائي آخري آرامگاهه نيو ويو *فوتي جي مرشد کيس هدايت ڪئي هئي ته مرڻ کانپوءِ کيس بينڊ باجن سان دفنايو وڃي: وارث**
  • *لاڙڪاڻو: ويهڙ ٿاڻي جي حد ۾ پوليس مقابلو، هڪ مبينا ڏوهاري مارجي ويو *مقابلي دوران ڏوهاري زخمي ٿيو، جنهن بعد ۾ دم ڏئي ڇڏيو: پوليس *مارجي ويل ڏوهاري وٽان ڪلاشن ڪوف ۽ گوليون هٿ: پوليس *مارجي ويل ڏوهاري جي سڃاڻپ نادر پٽ عبدالرحمان لاشاري طور ٿي: پوليس*
  • * سنڌ هاءِ ڪورٽ ۾ ملڪ اندر اٽي سميت ٻين شين جي بحران خلاف اپيل تي ٻڌڻي *عدالت ڊي جي بيورو اينڊ سپلائي کان لکت ۾ رپورٽ طلب ڪري ورتي *عدالت چيف سيڪريٽري کي 3 فيبروري تي پيش ٿيڻ جو حڪم جاري ڪري ڇڏيو*
  • *جروار ڀرسان 7 مهينا اڳ ڪنڊير شاخ مان نوجوان جو لاش هٿ اچڻ وارو مامرو *جروار پوليس پاران مقتول نبي بخش بوزدار جي وارثن جي نشاندهي تي 3 ڄڻا گرفتار *شهمير لغاري، سڌير لغاري ۽ جيوڻ لغاري کي گرفتار ڪري نامعلوم هنڌ منتقل ڪيو ويو: پوليس ذريعا *مقتول جي وارثن ڪوڙو الزام لڳايو، پوليس 3 ڄڻن کي کنڀي گم ڪري ڇڏيو آهي: نهال لغاري*
  • *ڏاهلي ڀرسان عمرڪوٽ ويندڙ تيز رفتار جيپ ٽائر راڊ ٽٽڻ سبب ڪلٽي، هڪ ڄڻو فوت، 3 زخمي /*ڇاڇرو:جيپ ڪلٽي ٿيڻ سبب جبار پٽ دودو نهڙي فوت ٿي پيو *ڇاڇرو: فوتي جو لاش ۽ زخمين کي عمرڪوٽ اسپتال منتقل ڪيو ويو*

چڪ ۾ سرڪاري گرائونڊز ملڻ جو خواب ساڀيان نه ٿيو: نوجوان مايوس

34 سال اڳ اسٽيڊيم لاءِ تحريڪ هلي، حڪمرانن واعدا به ڪيا، پر مسئلو حل نه ٿي سگهيو

ماضي جا رانديگر زاهد شاهه، رفيق سومرو، منظور سيٺار، رحيم ميئو ۽ ٻيا مايوس ٿي ڪرڪيٽ ڇڏي ويا

چڪ(رپورٽ:آزاد انور مهر)سنڌ جي تاريخي شهر چڪ جتي راندين لاء ڪوبه گرائونڊ ناهي، جنهن ڪري ڪرڪيٽ، والي بال، سميت ٻين راندين سان دلچسپي رکندڙ نوجوان ويران پلاٽن تي عارضي پچون اڏي پنهنجو شوق پورو ڪن ٿا، چڪ ۾ رانديون کيڏڻ لاءِ رانديگرن پاران سرڪاري اسٽيڊيم جي ڪيل گهر کي 34 سال گذري ويا، ڪيتريون حڪومتون آيون ويون پر چڪ ۽ ڀرپاسي جي علائقن کاهي، ڀرڪڻ جي سوين رانديگرن جو سرڪاري اسٽيڊيم وارو خواب پورو ٿي نه سگهيو، جڏهن ته گرائونڊ نه هجڻ ڪري نوجوان هوٽلن تي ويهي پنهنجو ٽئلنٽ ضايع ڪري رهيا آهن. ماضي جا مشهور رانديگر سيد زاهد شاهه، رفيق سومرو، منظور سيٺار، استا رحيم ميئو، شرافت علي شيخ، عرفان سيٺار، ڪيپر روي ڪمار روهڙا ۽ ٻيا مايوس ٿي ڪرڪيٽ کان ڪنارا ڪشي اختيار ڪري ويا. چڪ واسي آلرائونڊر الطاف شيخ ۽ ڀرڪڻ واسي واجد علي ميئو جن نه صرف ضلعي شڪارپور پر لاڙڪاڻي، سکر، حيدرآباد ڊويزن سميت صوبائي سطح جي مقابلن ۾ سنڌ جي نمائندگي ڪندي وڏو نالو ڪمايو آهي. بهترين پرفامنس ذريعي وڏو نالو ڪمائي ڪرڪيٽ ۾ ”سر“ جو خطاب ماڻيندڙ اتر سنڌ جي ست ڪرڪيٽرن ۾ چڪ واسي 2 ڪرڪيٽر قربان ميراڻي، وزير علي چنو به شامل آهن، جن ڪرڪيٽ جي شروعات چڪ شهر کان ڪئي پر وارثي نه ٿيڻ ڪري مايوسيء جو شڪار ٿي ويا. رانديگرن ياسر مهر، الطاف شيخ، واجد ميئو، ۽ راجا ساگر مهر ٻين پنهنجي اخبار سان ڳالهائيندي چيو ته اسان صرف پهنجي ضلعي ۾ نه پر ڊويزن جي سطح تي راند کيڏي پاڻ مڃرائي چڪا آهيون، گرائونڊ اسان جي بنيادي ضرورت آهي.

Bookmark the permalink.