نوري آباد: ڪوچ ۽ ڄاڃين سان ڀريل ڪوسٽر ڪلٽي، پيءُ پٽ سميت 5 ڄڻا فوت، 35 زخمي

نوري آباد (رپورٽ: عالم پالاري) نوري آباد ويجهو ڪوچ ۽ ڄاڃين سان ڀريل ڪوسٽر ڪلٽي، شهدادڪوٽ واسي پيءُ پٽ  سميت  5 ڄڻا فوت، 35 کان وڌيڪ ماڻهو  زخمي. نوري آبادويجھو موٽروي روڊ تي ڪراچي کان شھدادڪوٽ ويندڙ  مسافر بس ۽ ڄاڃين سان ڀريل ڪوسٽر بس برسات پوڻ سبب سلپ ٿي ڪلٽي ٿي پيون، حادثي جي نتيجي ۾ 5 ڄڻا فوت،  عورتن، مردن ۽ ٻارڙن سميت 35  مسافر سخت زخمي ٿي پيا، اطلاع تي   ايڌي رضاڪارن ۽ ريسڪيو ٽيم واقعي واري هنڌ پهچي فوتين جا لاش ۽ زخمين کي کڻائي اسپتال منتقل ڪري ڇڏيو،  فوتين ۾ شهدادڪوٽ واسي اڪبر مگسي، علي جان مگسي ۽ سندس 5 ورھين جو پٽ مجاھد، لاڙڪاڻي واسي غلام شبير چانڊيو ۽ هڪ عورت شامل آهن، فوتي عورت جي جنهن جي سڃاڻپ نه ٿي سگهي آهي، اسپتال مان ضروري ڪارروائي بعد فوتين جا لاش وارثن حوالي ڪيا ويا.زخمين ۾ خدابخش، منور علي، غلام شبير، محمد يعقوب، فرزانه، شمائلا، ثانيه، شيربانو، خورشيد، سجاد، پيرزادي، مومل، خادم، ديدار، شهروز ۽ ٻيا شامل آهن.