سڄي ملڪ ۾ شديد گرمي جي لهر، لاهور ۾ پارو 43 کان 47 ڊگري سينٽي گريڊ رڪارڊ ڪيو ويو

جُون 16, 2024

پاڪستان جي اڪثر ميداني علائقن ۾ شديد گرمي جي لهر جاري آهي، لاهور ۾ پارو 43 کان 47 ڊگري سينٽي گريڊ رڪارڊ ڪيو ويو آهي.

سبي ۾ محسوس ڪيل گرمي پد 49 ڊگري سينٽي گريڊ تائين پهچي ويو آهي، جڏهن ته فيصل آباد ۽ اسلام آباد ۾ 44 ڊگري، پشاور ۽ ملتان ۾ 43 ڊگريون محسوس ٿي رهيون آهن.
ڪراچي ۾ گرمي پد 38 ڊگري سينٽي گريڊ ٿي ويو، شهر قائد ۾ اڄ به 42 ڊگري سينٽي گريڊ گرمي پد محسوس ڪري سگهجي ٿو.

اڄ شام يا رات تائين گلگت بلتستان، مٿانهين خيبرپختونخواهه ۽ ڪشمير ۾ ڪجهه هنڌن تي تيز هوائن ۽ گجگوڙ سان برسات جو امڪان آهي.

Leave A Comment