فائرنگ ۾ زخمي ٿيل ٽائيم نيوز جي رپورٽر حيدر مستوئي واقعي کي ٽارگيٽ ڪلنگ قرار ڏئي ڇڏيو
مَي 30, 2024
روهڙي ويجهو فائرنگ ۾ زخمي ٿيل ٽائيم نيوز جي رپورٽر حيدر مستوئي واقعي کي ٽارگيٽ ڪلنگ قرار ڏئي ڇڏيو، سکر جي اسپتال ۾ علاج هيٺ زخمي رپورٽر حيدر مستوئي جو چوڻ آهي ته هٿياربندن روهڙي ويجهو اڇيون قبيون واري علائقي ۾ روڪيو، هٿياربندن سڃاڻپ ڪرڻ بعد مون سان گڏ موجود خان محمد پتافي کي ڌڪو ڏئي پري ڪيو ۽ مون تي فائرنگ ڪري ڏني، هٿياربندن اسان کان موٽرسائيڪل ۽ موبائيل فون سميت ڪا به ڦرلٽ نه ڪئي، مون کي ٽارگيٽ ڪري فائرنگ ڪئي وئي، گذريل رات هٿياربندن جي فائرنگ ۾ زخمي ٿيل حيدر مستوئي کي سکر جي نجي اسپتال منتقل ڪيو ويو، ٽائيم نيوز جي رپورٽر کي ڄنگهن ۾ 4 گوليون لڳيون آهن، ٽائيم نيوز جو رپورٽر حيدر مستوئي زخمي هئڻ باوجود اسپتال ۾ ساٿي صحافين کي ڏسي دليريءَ سان مرڪندي نظر آيو، ڊاڪٽرز موجب حيدر مستوئي جي طبيعت سڌرندڙ آهي، اڄ شام آپريشن ڪري سندس ڄنگهن مان گوليون ڪڍيون وينديون
