تلهار ڀرسان موٽرسائيڪل سان ٽڪر بعد رڪشا ڪلٽي، 2 ڄڻا فوت، 3 مرڻينگ

تلهار (ن پ ا) تلهار ڀرسان موٽرسائيڪل سان ٽڪر بعد رڪشا ڪلٽي، 2 ڄڻا فوت، 3 مرڻينگ، تفصيل موجب، تلهار ڀرسان بدين – حيدرآباد روڊ تي فتح خان اسٽاپ وٽ موٽرسائيڪل ۽ رڪشا وچ ۾ ٽڪر بعد رڪشا ڪلٽي ٿي پيو، حادثي ۾ 5 ڄڻا زخمي ٿي پيا، سمورن زخمين کي طبي امداد لاءِ رورل هيلٿ سينٽر تلهار آندو ويو، جتي ٻن ڄڻن راجا عرف مصطفي ڪنڀار ۽ ساجد رند دم ڏئي ڇڏيو، جڏھن ته گل حسن ڪنڀار، راهب چانڊيو ۽ ممون چانڊيو کي ڳڻتي جوڳي حالت ۾ حيدرآباد اسپتال منتقل ڪيو ويو، اکين ڏٺي شاهدن موجب موٽرسائيڪل سان ٽڪر بعد رڪشا ڪلٽي ٿي پيو، فوت ٿي ويل راجا عرف مصطفي ٰ ڪنڀار تلهار شهر جي وارڊ نمبر 11 جو رهواسي ۽ ساجد رند مير واهه موري جو رهواسي ھو، جڏھن ته اسپتال مان  لاش ضروري ڪارروائي بعد وارثن حوالي ڪيا ويا، مڙهه گهر پهچڻ تي ڪهرام مچي ويو.