ٿر جي سونهن مور پکين تان موت ٽارو نه ڪيو، 20 مري ويا، ڪيترائي بيماري ۾ مبتلا
مَي 7, 2024
ڇاڇرو(ن پ ا) ٿر جي فطري سونهن مور پکين ۾ ٻيهر راڻي کيت نامي بيماري پکڙجي وئي،مختلف ڳوٺن ميگهي جو تڙ،ڍاڪلو،آدم رند سميت ٻين علائقن ۾ گذريل پنج ڏينهن ۾ 20 کان مٿي مور مري ويا،ڪيترائي بيماري ۾ ورتل،ڳوٺاڻن چيو ته مور پکي اکين جي نور کان محروم ٿي تڙپي تڙپي مري وڃن ٿا،جهنگ ۾ بيمار مورن کي کڻي اچون ٿا ٽوٽڪن ذريعي بچائڻ جي ڪوشش ڪندا آهيون،پر هي نازڪ پکي بيمار ٿيڻ کانپوءِ صحتياب نٿا ٿين مري وڃن ٿا، وائلڊ لائيف کاتو ٿرپارڪر معاملي جو نوٽيس وٺي بيمار مور پکين ۾ ويڪسين ڪري بچايو وڃي، ٻئي پاسي ميڊيا ۾ خبرون نشر ٿيڻ تي وائلڊلائيف کاتي مٺي پاران ڳوٺ ڍاڪلو ٽيم موڪلي جتي بيماري ورتل مورن جو چڪاس ڪيو ۽ ويڪسين ڪئي
