پاڪستان جي پهرين چونڊيل وزيراعظم شهيد ذوالفقار علي ڀٽو جي اڄ 45 هين ورسي ملهائي پئي وڃي
اپريل 4, 2024
پاڪستان جي پهرين چونڊيل وزيراعظم شهيد ذوالفقار علي ڀٽو جي اڄ 45 هين ورسي ملهائي پئي وڃي، ورسي جي موقعي تي ڳڙهي خدا بخش ڀٽو سميت مختلف شهرن ۾ قرآن خواني جون تقريبون رٿيل، پيپلز پارٽي جي مرڪزي قيادت رمضان مبارڪ جي مهيني سبب ورسي جي موقعي تي رٿيل جلسو ملتوي ڪيو آهي، شهيد ذوالفقار ڀٽو جي ورسيءَ جو جلسو 14 اپريل تي ٿيندو، بلاول ڀٽو زرداري پنهنجي پيغام ۾ چيو آهي ته اڄ قوم جڏهن پنهنجي عظيم ليڊر جو يوم شهادت ملهائي رهي آهي ته ڏک ڀريو اهو اطمينان به آهي ته ملڪ جو انصاف وارو نظام آخرڪار ڀٽو جي شهادت ۾ پنهنجي شريڪ ڪردار جو اعتراف ڪري چڪو آهي، ملڪ جي اعليٰ عدليه پاران شهيد ڀٽو کي معصوم قرار ڏيڻ پارٽيءَ جي لاءِ اهم ڪاميابي آهي
