تنگواڻي(رپورٽ:لطف ملڪ)تنگواڻي جمال پوليس ٿاڻي جي حد تنگواڻي_غوثپور تان 3 ڏينھن اڳ ھٿياربندن ھٿان اغوا ٿيل سوئي بلوچستان رھواسي مغوين اسدالله بگٽي ۽ منظور بگٽي جو زنجيرن سان جڪڙيل ويڊيو وائرل ڪيو ويو، مغوي سڀني بگٽي برادري جي چڱن مڙسن ۽ وزيراعليٰ بلوچستان سرفراز بگٽي،وڏيرو جلال خان ڪلپر ،وڏيرو محمد بخش کان گھر ڪيو ته ڌاڙيل جو مطالبو مڃيندي 10 ڪروڙ روپيا ڀنگ ادا ڪري آزاد ڪرائين، ويڊيو ۾ ھنن چيو ته ڌاڙيل کي پئسا ادا نه ڪيا ويا ته کين ماريندا ۽ ھنن جي مارجڻ جو ذميوار ايس ايس پي ڪشمور بشير بروھي ۽ ايس ايچ او تنگواڻي آھي.

دادلغاري ويجھو نوجوان اغوا: ڌاڙيلن جو فون، 50 لک ڀنگ طلب

دادلغاري (ن پ ا) دادلغاري ويجھو ڪينجھر پتافي واسي نوجوان نظير مارواڙي اغوا ٿي ويو آهي، ڌاڙيلن نوجوان جي ڀاءُ کي فون ڪال ڪري 50 لک ڀنگ طلب ڪيو آهي، نوجوان جي ڀاءُ ڪوڙو مارواڙي پنھنجي اخبار کي ٻڌايو ته 3 ڏينھن اڳ سندس ڀاءُ نظير گھران ميرپورماٿيلو جو چئي نڪتو ته واپس نه آيو ۽ رستي تان ئي اغوا ٿي ويو آھي، هن ٻڌايو ته ڌاڙيلن پاران ڀاءُ جي بازيابي لاءِ 50 لک روپيا گھريا ويا آهن، رقم نه ڏيڻ جي صورت ۾ نوجوان کي مارڻ جي ڌمڪي ڏني وئي آھي، هن ايس ايس پي گهوٽڪي کان مطالبو ڪيو ته نوجوان کي بازياب ڪرايو وڃي