ورڪشاپ ۽ ڀرپاسي برساتي پاڻي نيڪال نه ٿيو، عوام سخت مشڪلاتن کي منهن ڏيڻ تي مجبور
آگسٽ 17, 2024
ورڪشاپ (ن پ ا) ورڪشاپ ۽ ڀرپاسي وارن علائقن مان برساتي پاڻي نيڪال نه ٿي سگهيو، علائقي واسي سخت مشڪلاتن کي منهن ڏيڻ تي مجبور
خبر موجب ورڪشاپ شهر جي مين هاءِ اسڪول چڪ نمبر 40 ۾ برساتي پاڻي اڃا تائين بيٺل آهي، جنهن ڪري شاگردن کي اچ وڃ ۾ سخت مشڪلاتون پيش اچي رهيون آهن
جڏهن ته ڳوٺ ميهنل انڙ، ڳوٺ اشرف ملڪ، ڳوٺ ڌڻي بخش خاصخيلي، فقير اسحاق چانڊيو، چڪ 83 سميت ٻيا ڪيترائي ڳوٺ برساتي پاڻي جي لپيٽ هيٺ آيل آهن
هاءِ اسڪول جي استادن عبدالستار انڙ، جاويد قريشي ۽ ٻين پنهنجي اخبار سان ڳالهائيندي چيو ته برساتي پاڻي سبب شاگردن توڙي استادن کي اسڪول اچڻ ۾ سخت مشڪلاتون پيش اچي رهيون آهن
هنن مطالبو ڪيو ته برساتي پاڻي نيڪال ڪرائي مسئلو حل ڪيو وڃي
